संविधानसभा र संसदको बैठक आइतबार

काठमाडौ २३ जेठ।  संविधानसभाको बैठक शुक्रबार बिहान ११ बजेदेखि साँझ ४ बजेसम्म चल्यो। बैठकमा चार दर्जन सभासद्हरूले राज्य पुनःर्संरचना र राज्य शक्तिको बाँडफाँटबारे विचार राखे। बैठक जेठ २५ गते आइतबार ११ बजेसम्मको लागि स्थगित गरिएको छ। 

संविधानसभाको सचिवालय रहेको सिंहदरबार र बैठक कक्ष बानेश्वरमा रहेको क्यान्टेन बन्द हुँदा दिनभरि बैठकमा बसेका सभासद् र  कर्मचारीहरूमा केही खान नपाएको चर्चा चल्यो। क्यान्टेनको खानेकुरा गुणस्तरीय नभएको कुरा धेरै अगाडिदेखि सुनिएको थियो।  

संसदको बैठक पनि आइतबार साँझ ५ बजेसम्मको लागि स्थगित गरिएको छ। आइतबार समितिहरूको बैठक बिहान ८ बजेबाट राखिएको खबर छ।