November 19, 2017

देश विदेश समाचार

बाँकि समाचार
 

दक्षिण एसियामा बाढी, पहिरोको कारण अगस्तमा करिब ६०० जनाको मृत्यु

नयाँ दिल्ली (भारत), ४ भदौ। दक्षिण एसियाका विभिन्न मुलुकमा गरी अगस्त महिनामा ब्यापक वर्षापछि आएको बाढी र पहिरोमा परी मृत्यु हुने व्यक्तिको सङ्ख्या करिब छ सय पुगेको सम्बन्धित मुलुकका अधिकारीले जनाएका छन्। बाढी र पहिरोमा परी विस्तापित हुनेको जनसङ्ख्या लाखौं रहेको छ। 

वर्षापछि विपद्मा फसेका व्यक्तिको उद्दार तथा उनीहरूलाई सुरक्षित स्थानमा बसोबास गराउने काम भइरहेको छ। 

अगस्टको दोस्रो सातादेखि बाढी र पहिरो जान थालेको हो। मनसुनी वर्षाले दक्षिण एसियाको उत्तरी तथा पूर्वी भूभागमा व्यापक क्षति पुर्‍याएको बताइएको छ। 

अधिकारीले बाढी प्रभावित भारतीय उत्तर प्रदेशका दुई जिल्लामा सयौं गाउँहरूमा डुवान भएपछि उद्दारका लागि सेनाको सहयोग मागेका छन्। उक्त राज्यका ७५ जिल्लामध्ये ३३ जिल्लामा बाढीको कारण ५५ जनाको मृत्यु भएको छ। 

हामीले प्रभावित नागरिकलाई सहयोग पुर्‍याउन सेनाको सहयोग माग गरेका  छांै, भारतको उत्तर प्रदेशका विपद् व्यवस्थापन अधिकारी टि पी गुप्ताले एएफपीलाई बताउनुभयो। 

उत्तर प्रदेशमा एक लाख नागरिक पूर्ण तथा आङ्शिक रूपमा विस्थापित भएका छन् भने करिब २० लाख व्यक्ति प्रभावित बनेका छन्। 

भारतको बढी प्रभावित मानिएको बिहार राज्यमा १५३ जनाको मृत्यु भएको छ। यो बिहारमा सन् २००८ पछि भएको सवैभन्दा घातक प्राकृतिक विपद भएको भारतीय अधिकारीले बताएका छन्। 

बिहारमा झण्डै चार लाख मानिस शिविरमा बस्न बाध्य भएका छन् भने १० लाखभन्दा बढी प्रभावित बनेका छन्। 

बिहारमा पाँच हजार आकस्मिक सेवा प्रदायक अधिकारी तथा दुई हजार सेना परिचालित गरिएको उच्च विपद व्यवस्थापन निकायका अधिकारी अनिरुद्ध कुमारले बताउनुभयो। बिहारमा एक हजार ३०० भन्दा बढी शिविर बनाई सेवा दिइराखिएको कुमारले बताउनुभयो। 

बिहार र उत्तर प्रदेश नेपालको सीमा क्षेत्रमा रहेका भारतीय भूमि हुन्। भारतको दुई करोड असी लाख जनसङ्ख्याको करिब २० प्रतिशत जनसङ्ख्या प्रभावित बनेको छ। संयुक्त राष्ट्रसङ्घले गत १५ वर्ष यता भारतमा सबैभन्दा बढी डुवानको समस्या भएको बताएको छ। भारतीय बाँधको कारण नेपालका सीमावर्ती क्षेत्रमा व्यापक डुवान समस्या देखिएको छ। 

भारतको पूर्वीक्षेत्रमा रहेको आसाममा पनि बाढीको कारण ६० जनाको मृत्यु भएको छ भने करिब चार लाख २५ हजार मानिस राहत केन्द्रमा बस्न बाध्य भएका छन्। बाढीको कारण रेलसेवा विगत छ दिनदेखि अवरुद्ध भएको छ। 

पश्चिम बङ्गालमा पनि ५२ जनाको बाढी तथा डुवानको कारण मृत्यु भएको छ भने दश लाख मानिस प्रभावित बनेका छन्। 

भारतको गुजरात क्षेत्रमा आएको बाढीको कारण मनसुनको सुरुमा नै ३५० जनाको मृत्यु भएको थियो। 

त्यसैगरी बङ्गलादेशमा एक सय व्यक्तिको मृत्यु भएको छ भने तीन लाखभन्दा बढी जनसङ्ख्या विस्तपित बनेको छ। बाढीको कारण नेपालमा पनि ठूलो माववीय क्षति भएको छ भने लाखौं मानिस प्रभावित भएका छन्। 

नेपाल, भारत, बङ्गलादेश र भारतमा बाढी तथा डुवानको कारण गम्भीर किसिमको खाद्यान्न अभाव देखिने गरेको छ। 

अन्तरराष्ट्रिय रेडक्रस तथा रेड क्रिसेन्ट सोसाइटी, एसिया प्रशान्त क्षेत्रका उप क्षेत्रीय निर्देशक मार्टिन फलरले नेपाल, भारत, बङ्गलादेश र भारतमा बाढी तथा डुवानको कारण खाद्यान्न अभाव देखिने र यसको कारण ठूलो जनसङ्ख्यामा गम्भीर सङ्कट निम्तिन गरेको बताउनुभयो। 

असुरक्षित बस्तीको कारण दक्षिण एसियामा पहिरोमा परी सयौं मानिसले ज्यान गुमाउने गर्छन् बाढी तथा डुवानको कारण बर्सेनी लाखौं मानिस प्रधावित हुने 

गर्छन्।  

एएफपी